အချစ်က
တစ္ဆေတစ်ကောင်လိုပဲ..
အားငယ်ထိတ်လန့်နေတဲ့အချိန်မှာ
ကိုယ်ယောင်ထွက်ပြတယ်။
အဲဒီ မိစ္ဆာပေါ့
ပျော်ရွှင်ခြင်းတွေကို စုပ်ယူစားသုံးသွားခဲ့
ငါ... ပြိုလဲကျခဲ့တယ်။
မလွမ်းနဲ့တော့ မချစ်နဲ့တော့လို့
ငါပြောထားတိုင်း
နှလုံးသားက လိုက်နာနိုင်ရင်
ဘယ်လောက်ကောင်းမလဲ။
ဒါမှမဟုတ်ရင်လည်း
အချစ်ဆိုတာလေးတစ်ခုပဲ
သီးသန့်လက်ခံထားလို့မရဘူးလားကွယ်။
အလွမ်းတွေ၊ အဆွေးတွေ၊ ပူလောင်တဲ့အတွေးတွေ
ဘာလို့ အဖော်လိုက်လာကြတာလဲ။
ပြီးတော့ ဘာကြောင့် အချစ်ထက်ပိုပြီး
သူတို့က လူတွင်ကျယ်လုပ်နေနိုင်ကြရတာလဲ။
အခုတော့ ငါ..
အိပ်မက်ကလေးတစ်ခုမှာ
အသည်းတွေ ထပ်ထပ်ကွဲနေပြန်တယ်။
ဝမ်းနည်းတဲ့နေ့တွေ မရှိပါရစေနဲ့
အဲဒီ တစ္ဆေတစ်ကောင်ကို
ငါ… ကြောက်လွန်းလို့ပါကွယ်…။
Subscribe to:
Post Comments (Atom)
No comments:
Post a Comment